Olav Grimstad

Olav Grimstad er fødd 17/1 1950, og er oppvaksen i Ørsta på Sunnmøre. Den kunstnarlege utdanninga si har han frå kunststudier ved Manger Fylkesskule (under m.a. Øyvind Aksnes) i 1970, formingslærarskulen i Bergen og kunsthistoriestudier (grunnfag) ved UiO i 1977.

Utover dette er han autodidakt i akvarellmaling, og har etter fleire tiår i faget opparbeidd ein grundig erfaringsbakgrunn og rutine. Sidan 1977 har han budd og arbeidt på Hurum ved Oslofjorden, der han ved sidan av akvarellmalinga har undervist i forming i ungdomsskolen. Sidan 1998 har han drive sitt eige kunstgalleri og antikvariat på Storsand i Hurum: Galleri&Gallera.

Olav Grimstad har teke del i ei lang rekke utstillingar sidan debuten i Ørsta Kunstlag 1977. Fleire kommuner har kjøpt arbeida hans, og han har designa mange større og mindre grafiske arbeid, hefter, brosjyrer, plakatar, logoar og lignande. Han har også utført bokillustrasjonar. Han arrangerar også kurs i akvarell, opplysingar om slike kurs kan du få gjennom å kontakte Galleri&Gallera. I store deler av 00-talet underviste han i akvarell kvar haust i Liguria, Italia.

Du kan sjå på nokre av bileta hans her, det er også mulig å kjøpe, om det er ønskeleg. Galleriet vil bli utvida etterkvart.

Olav Grimstad har fått Dan Anviks minnefonds ærespris for 2004, samt Hurum Kommunes kulturpris for 2004.